মুখ্য পৃষ্ঠা
06/04/25
14:29
"ভোগালী আহে শীতৰ মাজতে"
শীত অহাৰ বাটেৰেই
এদিন ভোগালী আহে ,
উৰুকা ৰাতি কুঁৱলী ভেদি
পদূলিত মেজিৰ জুইৰ জ্বলে |
আখল ঘৰত আইৰ সেইদিনা
বৰকৈ ব্যস্ততা বাঢ়ে ,
ভোগালীৰ ভোগত গাওঁ খনি
গোন্ধত আমোলমোলাই থাকে |
শীতৰ বাধাকো নেওঁচি
পথাৰত ভেলাঘৰ সাজে ,
গাৱেঁ গাৱেঁ সবে মিলি
উৰুকা ৰাতি উদযাপন কৰে |
অসমীয়া প্ৰাণৰো প্ৰাণৰ সংস্কৃতি
অতীজৰে পৰা আছে ,
উদং পথাৰত ভেলা ঘৰ সাজি
সকলোয়ে এপাক নাচে |
মেজিৰ জুয়ে অশান্তি দহন কৰে
অসমীৰ বুকুত ভোগৰ বতৰা আহে ,
শীতৰ মাজতে ককা দেউতাই
পূৱাই বাৰি ঘৰ বান্ধে |
আইতাই সিজুৱা আলু এটুকুৰা
মুখত ভৰাই লৈ ,
আয়ে পুৰা পিঠা পনাৰে
পূৱাৰ জনপান হয়গৈ |
ভোগালীৰ ভোগ আজি চোন কমিছে
তথাপি বিহু আমাৰ আপোন ,
সুখে দুখে সকলোয়ে আদৰে
ভোগালী যে বাপুটি সাহোন |
© ৰাজু কলিতা
04/01/15
